--Ads--
Dinutokan ni Philippine National Police (PNP) Chief General Jose Melencio Nartatez Jr. ni Police Brigadier General Rommel Sta. Ana Batangan kas acting director iti Highway Patrol Group (HPG).
Ni Batangan ket nagserbi kas Deputy Regional Office 3.
Sinukatanna ni PBGEN. Jessie Tamayao a boluntaryo a bimmaba iti puesto idi kalman kalpasan a naireklamo iti sexual harassment iti maysa a babai a polis iti National Police Commission (NAPOLCOM).
Pinaglibakan met ni Tamayao dagiti pammabasol ken impaganetgetna nga inosente isuna iti reklamo a naipila kenkuana.
-- ADVERTISEMENT --
Innayon ni Tamayao a ti panagikkatna ket saan a panangamin iti basol no diketdi panangipakita iti panagdayaw iti due process ken institusyon iti PNP.
