Saan a kontraen ni Presidente Ferdinand Marcos Jr ti plano ti Department of Finance a mangipatungpal iti baro a buwis kadagiti online gaming operator, no la ket adda naan-anay a panangadal.
Dayta ti pinasingkedan ni Palace Press Officer Atty. Claire Castro iti plano ti DOF iti baet ti posibilidad a madismaya dagiti operator ken agturong iti underground ti operasyonda.
Segun ken ni Castro, ti singasing ti DOF ket para iti pagsayaatan dagiti Pilipino ta ammo ti presidente nga adu dagiti maigamgamer iti online gaming.
Nupay kasta, pabilgenda ti pananglaban kadagiti saan a rehistrado nga online gambling ta adu a Pilipino ti mailumlom iti utang gapu iti kastoy a klase ti sugal.
Innayonna nga ad-adalen ti presidente dagiti gakat a mangipawil wenno mangpainget iti online gambling – legal man dagitoy wenno saan.
