--Ads--
Kinontra ni Presidente Ferdinand Marcos Jr a maysa nga “staged drama” laeng ti pannakakemmeg ti kasinsinna a ni dati a House Speaker at Leyte Rep. Martin Romualdez gapu iti P7.4 billion plunder case.
Segun ken ni Marcos, dagiti mangibagbaga a drama laeng ti pannakakemmeg ni Romualdez ket paset laeng iti pulitikal a panagatake kontra iti administrasionna ken saan a mangiladawan iti aktwal a proseso nga agpampannuray iti korte.
Nakemmeg ni Romualdez kalpasan a nangiruar ti Sandiganbayan iti opisial a warrant of arrest gapu iti kasona nga impila ti Office of the Ombudsman.
Agtaltalinaed daytoy iti Philippine General Hospital para kadagiti independent medical examination kalpasan a nayakar manipud iti Cardinal Santos Medical Center.
-- ADVERTISEMENT --
