--Ads--
Saan nga agdudua ni Presidente Ferdinand Marcos Jr a mangdusa iti asino man tapno maipaay iti hustisya kadagiti mapukpukaw a sabungero ken dagiti pamiliada, segun iti Malakanyang.
Nasaludsod ni Palace Press Officer Usec Atty. Claire Castro no addan pammilin ti presidente mainaig iti kaso kalpasan a nainaganan ti negosyante a ni Charlie ‘Atong’ Ang ken ti aktres a ni Gretchen Barreto a nainaig iti pannakapukaw dagiti sabungero.
Segun ken ni Castro, trabaho daytoy ti Department of Justice ken dadduma a law enforcement agencies ngem awan ti asino man a kanunongan ti presidente iti nasao a kaso.
Innayon ti Palace Press Officer a no adda ti nasken a madusa ket nasken laeng a maimbestigaran tapno maipaayan iti hustisya ti pamilia dagiti sabungero.
-- ADVERTISEMENT --
