Saan a mailaksid ni Presidente Ferdinand Marcos Jr iti probision ti 2026 General Appropriations Act a mangiparit iti kaadda dagiti pulitiko iti panagiwarasan dagiti tulong ti gobierno iti publiko wenno ti anti-epal provision.
Segun ken ni Palace Press Officer ken Communications Usec. Claire Castro, dagus a nabilin ti Department of Social Welfare and Development a maikkat ti tarpaulin nga adda ladawan ti presidente, a naduktalan a naiplastar iti maysa a payout center, a pakaipapaayan ti cash relief assistance kadagiti PUV driver a naapektaran iti nangina a presio ti produkto-petrolyo.
Pinalagipan ti Malakanyang dagiti lokal a gobierno iti nasao a probision ti linteg, a saan nga aramaten wenno gundawayan dagiti payout activity ti gobierno, tapno ital-o ti personal nga interesda ken panangpulitika.
Innayon ni Castro a napateg latta a maammuan dagiti umili dagiti programa ti gobierno kas panangipalagip nga aktibo nga agtigtignay ti presidente kadagiti kasapulan ti publiko iti baet ti nakaro a sitwasion.
