Pinermaanen ni Presidente Ferdinand Marcos Jr. ti Executive Order No. 122 a ti gagemna ket mapapigsa ti industria ti critical minerals iti pagilian.
Gagem ti addang a mapadur-as dagiti mineral a napateg iti clean energy transition technologies, advanced manufacturing, digital infrastructure, national defense ken dadduma pay nga strategic industries para iti industrialization, energy security, economic resilience ken sustainable development.
Iti salinong ti EO 122, nabilin ti Department of Environment and Natural Resources ken Mines and Geosciences Bureau a mangisayangkat iti national exploration program ken mangiruar iti Philippine Critical Minerals List.
Napabileg pay ti “use it or lose it” policy kadagiti mining tenement, idinto a mapaalisto ti privatization dagiti government-owned mining assets ken naideklara kas mineral reservations ti freed-up areas ken mining assets.
Karaman kadagiti addang ti panangpapardas ken panang-digitalize iti mining permit process babaen iti Virtual One Stop Shop (VOSS).
