Imbilin ni Presidente Ferdinand Marcos Jr. ti panangbukel iti nasional a pagannurotan iti carbon market iti salinong ti Executive Order No. 127.
Gagem daytoy nga ikkan ti gundaway a pamastrekan dagiti proyekto a makatulong iti panangsaluad ti aglawlaw ken panangkissay ti polusion.
Iti sistema, mabalin a makauror dagiti mannalon, komunidad ken negosio babaen ti panagmula dagiti kayo, panagusar ti nadalus nga enerhiya ken dadduma pay a tignay a maka-kissay iti greenhouse gases.
Mabalin da a makaawat ti carbon credits a mailako kadagiti kompania a kasapulan da tungpalen ti inkari da iti aglawlaw.
Segun ken ni Executive Secretary Ralph Recto, kayat ti presidente a saan laeng a maprotektaran ti aglawlaw ngem maaddaan pay ti pastrek, trabaho, ken oportunidad iti pagbiagan dagiti Pilipino.
