--Ads--
Nagpanawagan ni Presidente Ferdinand Marcos Jr ti agtultuloy ken napasnek a panagsagana iti baet ti awan kasiguradwanna iti sitwasion iti Middle East.
Segun ken ni Marcos, saan pay a nalawag no agingga kaano nga agpaot ti riribuk, isu a kasapulan nga agsagana ti pagilian nangruna no daytoy ket kumaro ken pumaot pay.
Imballaag ti presidente a direkta a maapektaran ti suplay ken presio ti produkto-petrolyo, nangruna ta apektado dagiti ruta a pagdaldalanan dagiti maang-angkat a petrolyo a maipan iti Asya.
Kangrunaan a dinakamat ti presidente ti Strait of Hormuz, a nasarraan pay laeng nga isu ti kritikal a dumalanan ti produkto-petrolyo iti lubong.
-- ADVERTISEMENT --
