--Ads--
Pabpabantayan ni Presidente Ferdinand Marcos Jr ti kasasaad dagiti Pilipino idiay Los Angeles, California iti baet ti mapaspasamak a protesta ken Immigration operation iti lugar.
Segun ken ni Palace Press Officer Claire Castro, nainget a bilin ti presidente iti Department of Foreign Affairs ken ti Philippine Consulate a siguradoenda a maited ti tulong kadagiti Pilipino nga adda iti sabali a pagilian, nangruna kadagiti naapektaran iti operasyon.
Nagpalagip ti Malakanyang kadagiti Pilipino nga adda idiay abroad a siguradoenda a sumurotda iti paglintegan dagiti pagilian a pagub-ubraanda.
