--Ads--
Pabpabantayan ni Presidente Ferdinand Marcos Jr. ti kasasaad dagiti 4 a Pilipino a naibalud idiay United Arab Emirates kalpasan a nai-post iti social media dagiti video ti pammomba.
Segun ken ni Department of Migrant Workers Secretary Hans Leo Cacdac, agtultuloy ti panangipaay ti gobierno iti tulong kadagiti Pilipino, agraman ti panangipasiguradona iti kasasaadda iti pagbaludan ken pannakaipaay ti lega a tulong.
Imbilin pay ni Marcos a maadal ti sitwasionda ken maipasigurado a maisalakanda maibasar iti linteg ti pagilian nga ayanda.
Saan pay a masigurado ni Cacdac no kaanoda a ma-wayawayaan wenno makaawid ditoy pagilian ta agtultuloy pay laeng ti legal a proseso a sangsangwenda.
-- ADVERTISEMENT --
