--Ads--
Inwaragawag ni Presidente Ferdinand Marcos Jr a mayakar iti Department of Social Welfare and Development ti P36 bilion a pondo a naikissay manipud iti flood control projects ti Department of Public Works and Highways (DPWH) tapno maaramat kadagiti programa nga agpaay kadagiti marigrigat.
Kagiddan dayta ti panangidaulo ni Marcos iti National Family Congress 2025 idiay Malakanyang itay agsapa.
Segun ken ni Marcos, imbes a maibulsa ken maibanag laeng iti manmano ti pondo, maaramat daytoy kadagiti programa ti DSWD a mangpasayaat iti biag dagiti marigrigat a pamilia.
Binisita ti presidente dagiti napili a benepisyaryo ti Pantawid Pamilyang Pilipino Program (4Ps) manipud iti nadumaduma a rehion a nakaaramid iti positibo a kontribusyon iti lugarda.
-- ADVERTISEMENT --
