Pinasingkedan ni Presidente Ferdinand Marcos Jr a nakurang P25 billion a gatad ti kuarta ken sanikua ti napasubli, na-freeze ken napreserba ti gobierno mainaig kadagiti kaso nga adda pakainaiganna iti anomalya iti flood control project.
Iti maika-lima nga State of the Nation Address-na, kinuna ni Marcos a nasurok P800 milion manipud iti nasao a gatad ti naisubli iti National Treasury.
Innayonna a siguradwen ti administrasion a mapabasuli manipud kadagiti nagkikinnunsabus ti naala a pondo dagiti umili.
Segun pay ken ni Marcos, nalapdan ti gobierno ti panangiruar iti pondo para kadagiti depektibo, peke, wenno saan a nagbanag a proyekto a mabalin a naibulsa dagiti korap a kontratista ken opisial.
Ipaima met ti Presidente iti Office of the Ombudsman ken iti napapigsa a National Prosecution Service ti panangusig kadagiti karaman.
