Nangiruar ni Presidente Ferdinand Marcos Jr iti executive order a mangnayon iti sueldo ken mangted iti nayun nga allowance kadagiti mangmangged iti gobierno.
Ti pannakairuar ti Executive Order No 64 a pinermaan ni Executive Secretary Lucas Bersamin ket babaen iti Presidential Communications Office.
Segun ken ni Marcos, gapu ta mapaspasaran dagiti parikut iti ekonomia, kas ti panagbaba ti purchasing power gapu iti inflation, masapul a mayupdate ti sueldo ken benepisyo dagiti mangmangged iti gobierno tapno mapagtalinaedda ti competent, committed, agile ken health workforce, tapno maital-oda ti social justice, integrity, efficiency, accountability ken excellence nga agbanag iti mas produktibo ken dekalidad a serbisyo publiko.
Naudin a nai-adjust ti sueldo dagiti mangmangged ti gobierno idi 2023, idi nagexpire ti fourth ken final tranche ti modified salary schedule ti Salary Standardization Law of 2019.
Ti kaudian a pammilin ket sakupna dagiti civilian government personnel iti Executive, Legislative, ken Judicial Branches; Constitutional Commissions ken dadduma pay a Constitutional Offices kasta payen dagiti mangmangged kadagiti government-owned or controlled corporation ken dagiti local government units.
Ti salary increase ket maipatungpal iti four tranches – ti umuna ket idi January 2024, maikadua inton January 1, 2025, maikatlo inton January 1, 2026 ken maikapat inton January 1, 2027.
