Nangidatag ni Presidente Ferdinand Marcos Jr. ti gakat nga addang tapno mapapigsa ti seguridad iti enerhiya iti naisayangkat nga Asia Zero Emission Community (AZEC) Plus Online Summit.
Pinasingkedan ti presidente ti nainget nga epekto ti panagserra ti Strait of Hormuz a nangitunda ti panagngato ti presio ti diesel ken LPG iti pagilian.
Impaganetget ni Marcos a daytoy a banag ket inapektaran na ti transportasion, suplay ti taraon ken sektor ti industriya.
Gapu daytoy, nagdeklarar ti gobierno ti State of National Energy Emergency ken naipatungpal ti programa nga UPLIFT tapno risuten ti epekto ti krisis, pakairamanan ti fuel optimization ken tulong kadagiti apektado a sektor.
Impunto ni Marcos ti kinapateg ti regional cooperation, partikular iti panangpapigsa ti ASEAN Framework Agreement on Petroleum Security tapno maaddaan ti nasayaat a sungbat iti kinakurang ti suplay ti langis.
