--Ads--
Mangnamnama ni Presidente Ferdinand Marcos Jr nga agtultuloyen ti kappia idiay Middle East, kangrunaan iti nagbaetan ti Israel ken Hamas, tapno saan nga agpeggad ti biag ken kinatalged dagiti adu a sibilian.
Dayta ti pinasingkedan ni Marcos iti 20th East Asia Summit a paset iti 47th Association of Southeast Asian Nations Summit idiay Kuala Lumpur, Malaysia.
Segun ken ni Marcos, adda nasurok dua a milion a Pilpino iti Middle East ken rinibo a seafarer ti agdaldalyasat kadagiti delikado a kabaybayan.
Innayonna a napateg ti kinagaed, diplomasya, ken respeto iti linteg sangalubongan ta dagiti saan a pagkikinnaawatan ket mabalin a pangta iti kappia iti seguridad iti rehion ken iti intero a lubong.
-- ADVERTISEMENT --
