Nakikaysa ni Presidente Ferdinand Marcos Jr iti pananglagip iti Ninoy Aquino Day nga isu ti mangmangted iti lawag iti maysa a napateg a paset ti pakasaritaan ti pagilian.
Iti mensahe ni Marcos, impaganetgetna a ti pakasaritaan ket allukoyenna ti nauneg a panangamiris, ken manglukat iti nalawlawag a pannakaawat iti pagrebbengan ti kada umili.
Innayon ti presidente nga iti baet ti adu a tawen ket dimmalanen iti nauneg a panagbalbaliw ti Pilipinas, banag a makita iti nalawlawa a pampubliko a diskurso mainaig iti turay ken ti kina-Pilipino.
Kas maysa a lider a dimmakkel iti tradisyonal a politika, kinuna ti presidente a para kenkuana ket ti pakasaritaan ti agtultuloy a mangipapaay iti adal ken tarabay no kasano ti nasken a panagserbi, panagdengngeg, ken ti kinarigat ti responsibilidad a baklayen tapno dumur-as ti pagilian.
Ti pananglagip iti Ninoy Aquino Day ita nga aldaw ken palagip ken awis tapnon agtakem a sipapakumbaba, addaan konsensya ken nalawag a sirmata.
