Nakasangpeten iti pagilian ni Presidente Ferdinand Marcos Jr kalpasan ti lima nga aldaw nga state visit-na idiay India.
Alas otso sais idi rabii idi naglanding ti eroplano ti presidente idiay Villamor Air Base Pasay City.
Iti arrival statement-na,impannakkel ti presidente nga umabot iti 446 million dollars ti direkta nga investment a naala ti Pilipinas manipud kadagiti sangapulo ket walo a business agreement.
5.798 billion dollars met ti potensyal nga interes iti investment iti digital infrastructure, renewable energy, healthcare, manufacturing ken IT-BPM.
Karaman pay iti katulagan a napermaan ti kooperasyon iti hudikatura, space, science and technology, depensa ken seguridad, kultura, ken turismo.
Adda pay libre nga e-visa para kadagiti turista a Pilipino kas inwaragawag ni Prime Minister Narendra Modi.
