Nakasagana ni Presidente Ferdinand Marcos Jr. a dumalan iti lifestyle check, kadua dagiti amin a miembro ti ehekutibo.
Dayta ket kas pinasingkedan ni Palace Press Officer Atty. Claire Castro kas sungbat iti karit dagiti dadduma nga agpampanday-linteg a nasken a karaman ti presidente kadagiti nasken a maidalan iti lifestyle check iti baet ti nabara a patangan iti anomalya kadagiti flood control project.
Impaganetget ni Castro a karaman iti lifestyle check ti panangkita iti Statement of Assets, Liabilities and Networth (SALN) dagiti opisial ket nakasagana daytoy no kas bilang.
Kagiddan dayta, binalakadan ni Castro ni Senador Risa Hontiveros a saan nga umadayo iti isyu, no di ket tutukan ti SALN ti presidente.
Ti lifestyle check ket imbilin ti presidente kadagiti amin nga opisial ti gobierno agraman dagiti kakunsabus dagiti nabenepisiaran kadagiti government project.
