Nakapungtot ni Presidente Ferdinand Marcos Jr. iti damag mainaig iti mistreatment iti overseas Filipino workers ti maysa a Migrant Workers Office (MWO) employee idiay Bahrain.
Pinasingkedan ni Palace Press Officer Atty. Claire Castro a sobra ti pungtot ti presidente iti napasamak nga insidente a nakairamanan ti employee a ni Anthony Allermo.
Iti maysa a video, ni Allermo ket makita a makipatpatang kadagiti OFWs nga inladawan dagiti netizens kas napangas.
Gapu daytoy, imbilin ni presidente Marcos ni Department of Migrant Workers Secretary Hans Leo Cacdac nga imbestigaran ken agaramid ti dagus nga aksion mainaig iti maipagarup a mistreatment kadagiti OFWs.
Idi kalman ket inikkaten iti puesto ni Cacdac dagiti kamengda idiay Bahrain a karaman iti nasao nga insidente.
