Nakaala ni Presidente Ferdinand Marcos Jr. iti nasurok USD 1.9 billion a baro nga investment iti mining ken technology sector kalpasan a nakitaripnong kadagiti opisial dagiti sumagmamano a kompania idiay Vancouver, Canada.
Mangilatang ti OceanaGold Corporation iti $1.9 billion tapno mayatiddug agingga 2037 ti operasion ti Didipio Gold-Copper Mine idiay Nueva Vizcaya ken Quirino.
Ag-invest met ti B2Gold Corporation ken Filminera Resources Corporation iti $14 million para iti panangpalawa iti solar power facility ken exploration program ti Masbate Gold Project.
Palawaen met ti NQX ti operasionna iti pagilian babaen iti $10.3 milion nga investment iti uneg ti 3 a tawen para iti customer experience ken software engineering operations, a manamnama a mangpataud iti ad-adu a high-tech a trabaho.
