Indauloan ni Presidente Ferdinand Marcos Jr. ti maysa a gala dinner iti Malakanyang kas selebrasion ti maika-50 nga anibersaryo ti Treaty of Amity and Cooperation in Southeast Asia (TAC).
Kas ASEAN Chair ita a tawen, indauloan ti Pilipinas ti selebrasion a napagtulagan a mangitandudo ti kappia, panagtitinnulong, ken panagraem iti tunggal maysa manipud napirmaan daytoy idiay Bali, Indonesia idi 1976.
Nagpirma pay ti katulagan ti Sweden, Poland, Romania, ken Lithuania isu nga umaboten iti innem a pulo ket dua ti pagilian a nakipaset.
Iti mensahe ti presidente iti sangwanan dagiti diplomat, foreign ministers, ken dagiti opisial ti ASEAN, inyarig ni Marcos ti diplomasia iti tradision dagiti Pilipino nga agkaykaysa.
Kas paset ti selebrasion, inrusat ti Pilipinas ti maysa a commemorative postage stamp ken maysa a Sampaguita-inspired anniversary emblem kas simbolo ti limapulo a tawen ti kappia iti lima a kontinente.
