Pinasingkedan ni Presidente Ferdinand “Bongbong” Marcos Jr nga adda sumagmamano a topiko a saanna a nairaman iti maikalima nga State of the Nation Address-na gapu ta atiddug unayen ti speech-na.
Segun ken ni Marcos, mabalin a padaananto latta dagiti saan a nairaman a topiko iti sumaruno a SONA-na.
Imbingay pay ni Marcos a mano a lawas sakbay ti SONA ket nangrugin nga agsagana.
Isuna mismo ti nangsurat iti dakkel a paset ti rugi ken maudi ti speech-na, idinto a ti team-na ti nangaramid iti research ken nangted iti datos, statistics, ken dadduma pay a detalye.
Iti vlog ni Marcos, binasana ti surat manipud kadagiti umili a nagkiddaw a mairaman dagiti sumagmamano nga isyu agraman ti salun-at ken panagbisin dagiti agtutubo.
Kas sungbat, dinakamatna ti Walang Gutom Program, a feeding program iti pagadalan, ken tulong tapno makaited ti lokal a gobierno iti nalaklaka a bagas.
Nupay kasta, saanna a nadakamat iti vlog dagiti dadduma a nadagsen a patangan a nadakamatna iti SONA-na agraman ti corruption charges kontra ken ni dati nga Speaker ken Leyte Rep. Martin Romualdez.
