Inwaragawag ti Malakanyang a nakapanawen iti pagilian nga agturong idiay Osaka, Japan ni Presidente Ferdinand Marcos Jr tapno dar-ayan ti World Expo ken dagiti serye ti business meetings.
Segun ken ni Palace Press Officer Claire Castro, itay laeng aldaw a nakapanawe ti presidente.
Agserbi a caretaker ni Executive Secretary Lucas Bersamin, Department of Agrarian Reform (DAR) Secretary Conrado Estrella, ken Department of Education (DepEd) Secretary Sonny Angara.
Numan pay saan a dinakamat ti Malakanyang ti eksakto nga aldaw, manamnama a makasublib ditoy pagilian ti presidente iti daytoy a weekend.
Immunan a pinasingkedan ni Presidential Communications Office a ti gagem ti presidente ket papigsaen ti binnulig iti ekonomia iti nagbaetan ti Pilipinas ken Japan, kasta payen ti panangallukoy kadagiti gangannaet nga agpuunan.
