--Ads--
Aminado ni Presidente Ferdinand Marcos Jr. a masansan a kurang ken maputed-puted ti turogna sipud nagtugaw iti puesto iti Malakanyang.
Iti episode ti podcast-na, nasaludsod ti presidente no ania dagiti banag a saanna a maar-aramid sipud nagbalin a presidente – ket diretso a sinungbatanna daytoy iti ‘turog’.
Segun ken ni Marcos, uray nalpasnan dagiti opisial nga aramidenna, saan pay laeng a makainana ta masapulna ti agbasa ken agsagana para iti sumaruno nga aldaw.
Masansan kunana a tengnga’t rabii wenno sakbay a malpas ti trabahona a makaturog, ket numan kasta, ridep laeng ta nadaraas a maririing iti bassit laeng nga ariwawa wenno kagat ti lamok.
-- ADVERTISEMENT --
Apagriingna, trabaho manen ti panunotenna isu a narigat a makaturogto manen.
