--Ads--
Mamati ni Presidente Ferdinand Marcos Jr nga isuna ti pagipapasan ni Vice President Sara Duterte iti pungtotna gapu kadagiti parikut a sangsangwen ti Bise Presidente.
Dayta ket kalpasan ti nagsasaruno a banat ni Duterte kontra iti Presidente, agraman ti panawaganna nga agikkat iti puesto, panangawagna nga awan ti utang iti naimbag a nakemna ken pammabasul nga agar-aramat iti iligal a droga.
Segun ken ni Marcos, ammona dagiti insawang ti Bise Presidente, ngem awan planona a mangpatol.
Patien ti presidente a makapungtot ni Duterte gapu kadagiti mapaspasamak kenkuana ken isuna ti nagbalin a kangrunaan a puntiryana.
-- ADVERTISEMENT --
Nupay kasta, innayonna pay a saan a mapilit ti asinoman a mangayat kenkuana.
