--Ads--
Maawatan ni Presidente Ferdinand Marcos Jr ti pungtot ti publiko a nangitunda iti protesta gapu iti kumarkaro nga isyu iti anomalia kadagiti flood control project iti pagilian.
Segun ken ni Marcos, normal laeng ti pungtot dagiti umili, ket napateg ti dagus a panagtignay tapno masulbar ti parikut.
Impasigurado ti presidente a maawatanna ti panagprotesta ti publiko, agraman ti naituding a protesta inton Setyembre 21.
Inallukoyna ti publiko nga yebkas ti kaririknada ngem pagtalinaeden a nakappia dagiti protesta.
-- ADVERTISEMENT --
