--Ads--
Kinondenar ni Presidente Ferdinand Marcos Jr. ti panagraut ken ni BARMM Interim Chief Minister Abdulraof Macacua ken dagiti kaduana iti Datu Odin Sinsuat, Maguindanao del Norte.
Segun ken ni Palace Press Officer Usec Claire Castro, nagpanawagan ti Presidente nga agkalma ken pagpannurayen ti respeto iti karbengan ti tao, nangruna iti biag ti kada Pilipino.
Imbilin pay ni Marcos kadagiti maseknan a government agency a paingeten ti seguridad kadagiti komunidad iti Bangsamoro region ken mangisayangkat iti naun-uneg nga imbestigasion tapno mabigbig ken madusa dagiti adda iti likudan ti nasao a panagraut.
Mangisaysayangkaten iti manhunt operations ti military ken ti Philippine National Police kontra kadagiti suspek tapno sangwenda ti linteg.
-- ADVERTISEMENT --
