Nagpanawagan ni Presidente Ferdinand Marcos Jr kadagiti amin a Pilipino nga arakupen ti kaipapanan ti pannakipagrikna ken panagserbi kagiddan ti pannakikaysana iti Muslim community a mangrambak ita iti Eidl Fitr.
Iti mensahe ti presidente, kunana a malaksid iti religious significance ti nasao a selebrasyon, ti pudno a kaipapanan ti Eidl Fitr ket ti panangtulong kadagiti agkasapulan ken panangipamaysa iti ragsak iti komunidad.
Inladawan ti presidente ti Eid’l Fitr kas panawen iti dignified worship, deep reflection ken solemn prayer.
Kabayatanna, impaganetget ni Vice President Sara Duterte ti kinapateg ti panagkaykaysa ken panangibingay iti bendisyon iti pamilia ken dagiti agkasapulan.
Iti maysa a video message, ikarkararagan ni VP Sara dagiti Muslim iti kappia ti puso ken ragsak ti tunggal maysa kadakuada.
Segun iti bise presidente, daytoy a naisangsangayan nga aldaw ket saan laeng a palagip iti kinasayaat ni Allah, no di ket uray ti napateg a sursuro iti Qur’an – panagkaykaysa ken panangibingay iti bendisyon iti pamilia ken kadagiti amin nga agkasapulan.
Ti Eid’l Fitr wenno ti Feast of Breaking the Fast, ket Muslim holiday a mangileppas iti holy fasting month ti Ramadan.
