--Ads--
Kinumpirma ti Department of Foreign Affairs (DFA) nga adda nakatuding a bilateral meeting ni Presidente Ferdinand Marcos Jr. ken Russian President Vladimir Putin.
Pinasingkedan ni DFA Assistant Secretary Dominic Imperial a paset daytoy ti selebrasion ti maika-50 nga anibersaryo ti diplomatic relations ti Pilipinas ken Russia.
Segun ken ni Imperial, iti maisayangkat a bilateral meeting, manamnama a trataren ti dua a lider dagiti addang tapno mapapigsa pay ti kooperasion ti dua a pagilian iti benneg ti enerhiya ken food security.
Agsentro pay ti patangan da PBBM ken President Putin iti sumagmamano a napapateg a regional ken international issues kas ti epekto ti seguridad iti enerhiya ken taraon iti agtultuloy a krisis iti Middle East.
-- ADVERTISEMENT --
