Kayat ni Presidente Ferdinand Marcos Jr ti long-term solutions mainaig iti patangan ti didigra, pakairamanan ti “The Big One” – maysa a 7.2 magnitude earthquake a mabalin a mapasamak iti pagilian.
Dayta ti sungbat ni Office of Civil Defense Usec Ariel Nepomuceno iti press briefing iti Malakanyang idi masaludsod mainaig iti pammilin ni Pres Marcos mainaig iti napigsa a gingined.
Segun ken ni Nepomuceno, kayat ti presidente a maisagana ti pagilian kadagiti nakaro a didigra.
Immunan a pinasingkedan ti Office of Civil Defense a saan pay nakasagana ti pagilian no bilang adda ti big one a posible a kapigpigsa ti magnitude 7.7 a gingined a nangdayyeg idiay Myanmar.
Innayon ni Nepomuceno a nupay ammo dagiti Pilipino ti “duck, cover and hold” ket kurang latta ti panagsagana ken kinatibker dagiti imprastraktura iti pagilian ta dagiti pagadalan ken health center ti pagilian ket kasapulan pay a dumalan iti retrofitting tapno saan a maapektaran iti gingined.
