Kayat a papigsaen ni Presidente Ferdinand Marcos Jr ti addang ti Philippine National Police tapno masulbar ti ngumatngato nga insidente ti emergency prank calls.
Iti baet dayta ti panangkalikagum ti gobierno a mapaalisto ti police response a saan a lumabes iti lima a minutos iti salinong ti programa a ‘Cops on the Beat’.
Segun ken ni President Marcos, malalaokan iti pananglokloko ti maaw-awat a tawag ti kapulisan, a ti 70 percent a tawag ket agpapada a prank call.
Gapu dayta, kayat ti presidente ti agaramat iti maymaysa a hotline ken pagbalinen a centralized ti panangipatulod wenno panagkiddaw iti responde kadagiti pulis.
Impaganetget ti presidente a nasken a matignayan nga insigida tapno makaresponde a nasayaat dagiti kapulisan ken marikna ti publiko nga adda nakasagana a tumulong iti ania man nga oras.
