Kayat ni Presidente Ferdinand Marcos Jr a mapapigsa ti kampania tapno malapdan ti panagraira ti Human Immunodeficiency Virus wenno HIV iti pagilian.
Segun ken ni Palace Press Officer Atty. Claire Castro, nabilin ti Department of Health a mapabileg dagiti programa a para iti salun-at ken libre a serbisio para kadagiti HIV.
338 a DOH facilities ti nadutokan a mangted iti libre nga HIV services ken kayat ti presidente a papigsaen ti pannakaaramatna tapno mapapigsa ti suporta kadagiti tao nga adda HIV-na ken malapdan ti panagwaras ti sakit.
Innayon ni Castro kadagiti pasilidad ti DOH a libre ti HIV screening, antiretroviral therapy ken counselling, viriloid testing ken HIV combination-prevention methods, ken dagiti pasilidad iti intero a pagilian.
