‘Naragsak ta nakatulong’, dayta ti sungbat ni Presidente Ferdinand Marcos Jr iti panagyaman ni Vice President Sara Duterte iti presidente gapu iti napabaro a relasyonda iti amana a ni dati a Presidente Rodrigo Duterte.
Nakaibalud ita ni Duterte iti International Criminal Court gapu iti crimes against humanity a kasona.
Segun ken ni Presidential Communications Office Undersecretary at Palace Press Officer Claire Castro, ipadpadanon ti presidente dayta a sungbatna ngem kunana a nasaysayaat no agyaman ti bise presidente iti mismo nga amana, ta no adda man gundaway ken no naaddaan man iti oras kadua ti amana ket gapu daytoy iti kaso nga extra judicial killings.
No saan a napasamak ken naaramid dagiti tignay mainaig iti war on drugs ken awan ti nagreklamo ket saanda pay koma a maaddaan iti gundaway a makapan idiay The Hague.
