--Ads--
Inyarig ni Presidente Ferdinand Marcos Jr. iti maysa a major surgery wenno operasion ti kampania ti gobierno kontra iti anomalia.
Segun ken ni Marcos, nabayagen nga adda cancer ti sistema isu a nasakit ken nadara ti proseso iti pannakaisimpana.
Kunana a normal a maaddaan iti ‘bleeding’ bayat a maik-ikkat ti madi nga aramid a naipairuam iti burukrasya iti nasurok tallo a dekada gapu ta paset daytoy iti panagimbag ti pagilian.
Mamati ti presidente a kabaelan dagiti Pilipino ti agbaliw ken agbalin a nalag-an ti taray ti gobierno no maikkat ti pagtataudan ti parikut.
-- ADVERTISEMENT --
Kunana a limitado ti oras tapno malpas ti reporma, ngem nakasagana ti gobierno nga agtrabaho iti 24/7 tapno maimbag ti pagilian manipud iti cancer ti anomalia.
