Nagpanawagan ni Presidente Ferdinand Marcos Jr. iti Kongreso a maingato ti income tax exemption para kadagiti mangmangged ken maipatungpal ti tax relief measures para kadagiti bassit a negosio.
Iti maika-lima nga State of the Nation Address, kinuna ni Marcos a kasapulan dagiti addang tapno matulongan dagiti Pilipino iti baet ti agtultuloy a krisis.
Kiniddaw ti Presidente iti Kongreso nga apribaran ti gakat a mangilibre iti income tax kadagiti mangmangged a makapaspastrek iti saan a nasursurok iti P350,000 kada tawen.
Maisimpa pay dagiti buwis para kadagiti mangmangged nga adda iti sabal inga income bracket.
Para kadagiti babassit a negosio, insingasing ti Presidente a maikkat ti minimum corporate income tax tapno maksayan ti rigat iti panangipataray iti negosio.
