--Ads--
Inkari ni Presidente Ferdinand Marcos Jr ti dakdakkel a suporta para kadagiti mangisursuro a Pilipino kas pammigbig iti napateg nga akemda iti kagimungan.
Iti panagsaritana idiay Bulacan, impaganetgetna a dagiti mangisursuro ti pudno a bannuar nga agserserbi iti napudno ditoy pagilian.
Dagiti addang nga ipatungpal ti gobierno ket ti panangikkat iti nayon nga ubra dagiti mangisursuro tapno makapokusda nga agisuro, panangpalawa kadagiti retraining program, panangted iti teknolohikal nga alikamen kas ti satellite internet para iti online learning ken panangnayon iti 20,000 a baro a mangisursuro para iti umay nga school year.
Gagem ti addang a maingato ti kalidad ti edukasyon ken matulongan dagiti mangisursuro iti misyonda.
-- ADVERTISEMENT --
