Dinayaw ni Presidente Ferdinand R. Marcos Jr. dagiti baro nga opisyal ti Kapisanan ng mga Brodkaster ng Pilipinas (KBP) ket impasigurado na ti agtultuloy a proteksyon kadakuada kas paset iti panangpapigsa ti demokrasia.
Pinasingkedan ni presidente Marcos a napateg ti akem ti media iti panangipaay ti husto ken responsable nga impormasion, bayat a binigbig na ti buteng ken pangta a sangsangoen dagiti broadkaster.
Nakibinnulig ti Presidential Task Force on Media Security iti National Bureau of Investigation ken Public Attorney’s Office para iti mas epektibo a seguridad ken legal a tulong.
Kiniddaw ni Marcos ti media makipaset iti pananglaban ti misinformation ken disinformation, kadua ti gobierno ken dagiti tech companies kas ti Google ken Meta.
Inrusat pay ti PCO ti “Oplan Kontra Fake News,” maysa a rapid-response system kontra iti peke nga impormasion.
