Indeklara ni Presidente Ferdinand Marcos Jr. ti state of national energy emergency babaen iti panangpermana ti Executive Order No 110, kagiddan ti agtultuloy a riribuk iti Middle East a nagresulta iti peggad iti suplay ti enerhia iti pagilian.
Karaman pay iti EO ti panangadaptar iti Unified Package for Livelihoods, Industry, Food, and Transport a ti gagemna ket mapatibker ti lokal a suplay ti enerhia, suportaran dagiti kangrunaan a sektor kas ti transportasion, agrikultura, ken MSME, ken salwadan dagiti Pilipino kontra iti epekto ti riribuk iti Middle East.
Ti UPLIFT Committee ti mangimaton ken mangikoordina iti pannakaipatungpal ti programa.
Chairman ditoy ni Presidente Ferdinand Marcos Jr., idinto a karaman kadagiti miembro ti Executive Secretary ken dagiti opisial ti Department of Energy, Transportation, Social Welfare and Development, Agriculture, Finance, Economy, Planning, and Development, ken Budget and Management
