Indaulwan ni Presidente Ferdinand Marcos Jr ti tinawen a gift-giving program idiay Malakanyang tapno mangipaay iti ragragsak kadagiti ubbing a Pilipino kagiddan ti umadani a holiday season.
Ti programa a naawagan iti Balik Sigla, Bigay Saya Nationwide Gift Giving Day ket naggigiddan a naisayangkat kadagiti sabali pay a lugar iti pagilian, a ti gagemna ket mangted regalo kadagiti 30,000 nga ubbing nga agtawen iti uppat agingga sangapulo ket dua.
Ti set ti regalo ket pakairmanan ti trolley bag, pungan, medyas, kapote, tumbler, relo, ken labakara.
Ni Marcos, kadua ni First Lady Lisa Araneta-Marcos ken dagiti annakda a da Simon ken Vincent ti nangiyawat iti regalo kadagiti ubbing idiay Malakanyang.
Naisayangkat ti gift-giving program babaen iti pannakitinnulong ti Department of Social Welfare and Development, nadumaduma a local government unit iti Metro Manila, ken dagiti balay pagampunan a sinuportaran ti inisyatibo a “Tulong sa Palasyo”.
