Inallukoy ni Presidente Ferdinand Marcos Jr dagiti umili nga itultuloyda nga ilaban ti karbengan iti West Philippine Sea ken salwadan ti soberania ti pagilian.
Dayta ket kagiddan ti panagmensahe ni Marcos iti panangrambak ita nga aldaw iti National Heroes Day idiay Libingan ng mga Bayani – Taguig City.
Segun ken ni Marcos, napateg daytoy nga okasion ta inlaban dagiti bannuar ti pagilian ken naiggiddato ti panangsango kadagiti pannubok.
Innayon ti presidente a responsibilidad dagiti umili a salwadan ti interes ti pagilian, suroten ti linteg ken itultuloy nga ipaganetget ti karbengan iti salinong ti United Nations Convention on the Law of the Sea.
Kinunana a responsibilidad ti kada umili a maawatan ti pakasaritaan, karbengan, ken agbalin a paset iti panangsalwad iti nailian nga interes.
