--Ads--
Kagiddan ti maikanem nga anibersaryo ita nga aldaw ti panagikkat ti Pilipinas iti Rome Statute, inallukoy ti human rights group ni Presidente Ferdinand Marcos Jr nga agsubli iti International Criminal Court.
March 17, 2018 idi nagikkat ni dati a Presidente Rodrigo Duterte iti Rome Statute, ti treaty a nangiyestablisar iti ICC.
Epektibo ti withdrawal kalpasan iti maysa a tawen.
Segun ken ni Karapatan secretary-general Cristina Palabay, ti desisyon ti dati a presidente nga agikkat manipud iti Rome Statute ket tapno libasan ti imbestigasyon ti ICC iti mass killing kadagiti drug suspect.
-- ADVERTISEMENT --
Innayonna a nasken a papigsaen ti pagilian ti justice system-na.
