--Ads--
Impasigurado ni Presidente Ferdinand Marcos Jr a mapilaan iti kaso dagiti mapaneknekan a nagbiddut ken nanggundaway iti pondo dagiti umili babaen iti flood control project.
Segun ken ni Marcos, saanna a namnamaen nga ag-inhibit dagiti sumagmamano a pulitiko a nadakamat ti naganna iti agtultuloy nga imbestigasion ta sigurado nga awan ti umamin.
Nupay kasta, maipasigurado nga iti imbestigasion ti Investigation Commission ket adda natibker nga ebidensia tapno madusa dagiti nagbasul.
Saan met a tagidaksen ti presidente ti imbestigasion ti Senado ken Kamara iti flood control project ta prerogative-da daytoy ken amangan ta makatulong met dagiti impormasionda tapno maaramat iti mabukel nga Investigation Commission.
-- ADVERTISEMENT --
