Impasigurado ni Presidente Ferdinand Marcos Jr a makanay ti reserba ti suplay ti langis ti pagilian nga agpaot agingga dua a bulan iti baet ti kumarkaro a riribuk iti Middle East gapu iti panagririnnupak ti Iran, Israel ken Amerika.
Segun ken ni Marcos, manamnama ti panangpangina ti presio ti produkto petrolyo gapu iti riribuk ngem saan a pakadanagan a maibusan iti suplay ta makanay ti reserba a langis ti pagilian.
Impasigurado pay ni Marcos nga adda ti stockpile dagiti pagalan iti oil products ken saan pay a nairuar isu nga adda potential supply para iti pagilian.
Namnamaen ti presidente a dakkel ti agbalin nga epekto ti riribuk iti Middle East iti presio ti langis isu nga ad-adalen ti gobierno ti contingency measure tapno saan unay a marigatan dagiti umili.
