Pinasingkedan ni Presidente Ferdinand Marcos Jr a kabaelan a pagtalinaeden ti administrasyon ti P20 kada kilo ti bagas a maysa kadagiyi kangrunaan a karina idi kampanya.
Aminado ni Marcos a naitantan ti pannakaipatungpalna idi gapu iti kinakurang iti sistema ken ti pagkasapulan a matulongan pay dagiti mannalon babaen iti makinarya ken suporta.
Iti agdama, limitado pay laeng ti programa kadagiti napili a rehion iti salinong ti Kadiwa ng Pangulo, ngem target ti gobierno a maipatungpal iti intero a pagilian ken magteng ti 60 milion a Pilipino sakbay a malpas ti terminona inton 2028.
Ti bagas ket masupsuportaran babaen iti subsidiya nga aggapu iti Food Terminal Incorporated ken nailatang kadagiti sektor kas dagiti indigent, senior citizen, PWDs ken solo parents.
