Impaganetget ni Presidente Ferdinand Marcos Jr. ti kinapateg ti panagkaykaysa ken panagtitinnulong dagiti pagilian iti ASEAN iti baet dagiti karit kas ti panagpangina iti presio ti langis ken taraon, patangan iti seguridad, ken pangta ti El Niño.
Iti vlog-na ita a Nobiembre 12, pinasingkedan ti Presidente a napateg ti 49th ASEAN Summit kas gundaway tapno makapagpapatang ken makapagtutulag dagiti lider kadagiti kongkreto a solusyon kadagiti parikut a sangsangwen ti rehion.
Kas host ti summit, gagem ti Pilipinas a maipangruna dagiti patangan iti agrikultura, trabaho, pagbiagan ken seguridad.
Namnamaen pay ti Presidente a mabenepisyaran dagiti lokal a negosio ken mangmangged iti panangisayangkat iti summit ken related summit iti panagtataripnongda ditoy pagilian.
