--Ads--
Imbilin ni Presidente Ferdinand Marcos Jr iti State of the Nation Address-na ti pannakairaman dagiti homeless individual iti Pantawid Pamilyang Pilipino Program ken dadduma pay a programa ti Department of Social Welfare and Development.
Segun ken ni Marcos, ammona nga amin nga umili nga agbibiag iti kalsada ket isu ti kangrunaan nga agkasapulan iti tulong ti gobierno.
Nabilin dagiti Local Government Unit a sapulenda dagitoy a homeless ken iraman ida iti 4Ps ken dadduma pay a programa ti DSWD tapno marugianda met iti panangpadur-as ti biagda.
Innayon ti presidente nga iti salinong ti administrasyonna, nasurok lima milion a pamilia ti benepisyaryo ti conditional cash grant ti 4Ps.
-- ADVERTISEMENT --
