Idurduron ni Presidente Ferdinand Marcos Jr ti panagaramat iti smart farming wenno baro a teknolohia iti panagtalon tapno masigurado ti food security iti pagilian.
Maipalagip a maysa ti modernisasyon ti agrikultura kadagiti kangrunaan a gagem ti Marcos administration.
Segun iti presidente, dagiti agricultural innovation ket nasken a maadal ken suportaran ti gobierno ta saan laeng a maipanggep iti panangpabuslon iti apit no di ket panangpasayaat pay iti nutrisyon ken salun-at ti publiko.
Inwaragawag ti presidente ti nasao a banag kasaruno ti panagbisitana iti 3.5hectare greenhouse facility ti Metro Pacific Fresh Farms idiay San Rafael, Bulacan.
Naipakita iti pasilidad dagiti advanced a sistema ti panagtalon a mangidaldalan iti makatawen nga apit ti nateng ken prutas.
