Indaulwan da Presidente Ferdinand Bongbong Marcos Jr ken First Lady Liza Araneta Marcos ti tinawen a Christmas Tree Lighting ceremony idiay Kalayaan Grounds ti Malakanyang.
Kadua dagiti bisita, binuyada ti “Puso ng Pasko” performance ti Alice Reyes Dance Philippines, a binuyogan ti Manila Symphony Orchestra ken Ryan Cayabyab singers.
Daytoy ti umuna a full-length, all-Filipino Christmas ballet a mangipakpakita iti pudno a kaipapanan ti Paskong Pinoy, iti salinong ti mentorship ti National Artist for Dance ni Alice Reyes.
Ni Ryan Cayabyab, National Artist for Music, ti nangisimpa iti musical arrangement.
Maysa kadagiti highlight ti seremonia ti pannakaisayangkat ti awarding ceremony para kadagiti kangrunaan a tallo a nangabak ken tallo nga special awards iti ‘Isang Bituin, Isang Mithiin” National Parol-Making Competition Year 4.
Umabot iti 133 parol wenno Christmas lantern entries manipud iti TESDA Training Institutes iti intero a pagilian ti nakipaset ita a tawen.
