Mapagkuarkuartaan dagiti materyales kadagiti proyekto ti gobierno iti agingga 50 percent kas ti aspalto, landok ken semento.
Dayta ti pinasingkedan ni Presidente Ferdinand Marcos Jr. iti departure speech-na para iti idadar-ayna iti 47th ASEAN Summit idiay Kuala Lumpur, Malaysia.
Segun ken ni Marcos, naduktalan ni Department of Public Works and Highways Secretary Vince Dizon ti overpriced a materyales iti agtultuloy nga imbestigasion kadagiti maanomalya a programa ti ahensia.
Gapu dayta, binilin ti presidente ni Dizon nga ilaklaka ti gatad dagiti materyales iti agingga 50 percent tapno makaurnong iti capital outlay ken masigurado a mayannatup ti gastos ti DPWH iti presio iti merkado ken masigurado a naannayas ti pannakaaramat ti pondo ti pagilian.
