Binilin ni Presidente Ferdinand Marcos Jr dagiti ahensia ti gobierno nga agtignay kadagiti didigra tapno ma-assess ken mangipatungpal iti evacuation para kadagiti agindeg manipud iti coastal area kalpasan ti napigsa a gingined a nangdayyeg idiay Davao Oriental.
Ti pammilin ket kasaruno ti tsunami warning nga inruar ti Philippine Institute of Volcanology and Seismology kadagiti komunidad nga aggigyan kadagiti kabaybayan iti Visayas ken Mindanao, agraman ti Davao Oriental, Surigao del Norte, Surigao del Sur, Southern Leyte ken Eastern Samar.
Segun ken ni Marcos, manarimaanen ti assessment-da iti sitwasion ken ipaspasiguradoda ti kinatalged ti tunggal maysa babaen iti activation iti emergency communication lines, ken nainget a koordinasion kadagiti lokal a gobierno.
Ipaisagsagana pay ti presidente ti search, rescue ken relief operations, idinto a ti DSWD ket naka-preposition met ti food ken non-food items para kadagiti naapektaran ti gingined.
